رواية حب معقد الفصل الأخير
- متمسكنيش كده
= لاء لازم اخلي بالي عليكي عشان انتي بتجري
واحنا بنعدي!
- متمسكنيش يا آسر ومش هجري !
= لاء
- طيب مش هعدي معاك ها
= ليلي انا بخاف من الطريق علفكره انا كمان فا لازم اخد بالي مني و منك
ضحكت: ازاي بتخاف وانت الكبير!
ابتسم: ببقي حاسس ان العربية اسرع مني و ممكن تخبطني هههههه
- طيب يلا هنعدي سوا
= آسر آسر قوم آسر !!!!!!
" ليلي صحيت مفزوعة من الحلم وبصت جمبها لقت آسر لسه نايم من تأثير البنج و التعب الحدثة كانت شديدة و عملت له جرو**ح و كدما**ت غير انوه اتخيط لكن الدكتور طمنهم وقال ان مفيس اي كسو***ر الحمد لله"
*****************************
صلي على محمد 🩷
- أمتي تقوم بقا يا آسر انت بقالك كتير كده
عيونها دمعت فا قربت و مسكت ايده:
انا خلاص هرجع البيت صدقني و هعترفلك اني بحبك انا بحبك من زمان لكن انت كنت معتبرني اختك وعشان كده خوفت اقولك بحبك تبقي انت الى اتسرعت لكن والله بحبك متسبنيش
" حطت راسها على ايده وغمضت عيونها و حست بحركته فا قامت بسرعه "
- آسر انت فوقت آسر !
= وطي صوتك و اوعي تهزيني ونبي مش قادر
ضحكت ودموعها نازله: انت بجد فوقت و بقيت كويس!! انت كويس!
- الحمد لله بسيطه انا بس مش حاسس بجسمي كله
= معلش ان شاء الله تقوم بالسلامه
- بس حسيت بكل كلمة قولتيها
ليلي بصدمه: كل كلمة!
آسر غمض عينه بتأكد وهز راسه: اممم كله ، انا بحبك اوي والله يا ليلي بس خليكي قد كلامك و..
مكملش كلامه و اتوجع جدا ف رجله و ليلي اتخضت
- مالك في اية!!!
= رجلي بتوجعني اوي !! هوا انا حصلي اية
- خياطه بس 7 غرز
= ينهار ابيض اههه مش قادر
- اهدي انا معاك اهدي، انا ما صدقت قومت
= هي فين ماما ؟
- راحت الليت تجبلك هدوم
آسر مكنش باصص على نفسه: هو انا مش لابس ولا اية
ليلي وهي ميتة ضحك: هدومك كلها باظت و اتقطعت وانت يادوبك متغطي استر نفسك
-اها يفضحتك يا دودي
= بجد خضتني عليك اوي يارتني ما طلبت زفت انا بقيت اكره القصب
- لا لا متخافيش انا تمام محصلش حاجه يعني مجرد كام غرزة ؟
= 7 بس
- اممم لا قليل خالص
= هرن على عمتو اطمنها مبطلتش عياط.
- قال يعني انتي الى بطلتي بعينك المنفوخه دي
************************
صلي على محمد 🩷
" كلمت عمتو و جت و آسر خرج معانا و رجعت البيت عشان اكون جمبه لأنه بيتحرك بصعوبة الاصابة جايه فحتة فرجله من فوق ومش هينه ابدا "
- مش كنت عملت حدثه من بدري يا ماما عشان ليلي ترجع تاني
ضربته: متقلش كده
= ربنا يحميك يا آسر و يهدي ليلي
- لا بس عيطت عليا قد اية
= مبطلتش والله احنا الاتنين مكناش قادرين وبعدين الناس داخله بيك عامل حدثه و هي مغم عليها
سمعت صوت الكاتل فا قامت تصب الشاي و آسر بص ل ليلي بستغراب: اغم عليكي ليه
ليلي بتوتر: من الخوف اتخضيت عليك لما وقعت قدامي ده اسوء شعور حسيته بعد موت ماما يا آسر..
" هدي كانت داخله عليهم بالشاي والباب خبط ليلي قامت تفتح لقت تلت شباب و بنت كان احمد صاحبه و ندي و اتنين زمايله تانين "
هدي: منورين يا ولاد تشربوا اية
ندي بسهوكه: ولا اي حاجه احنا بس جاين نطمن على آسر من ساعة ما عرفنا واحنا مش مصدقين
نادر زميل آسر: احمم جينا المستشفي وقابلنا اختك تقريبا وانت كنت رايح خالص
احمد: اها الحمد لله انك قومت يا صاحبي
"اسر مكنش مركز غير فعيون نادر الى مش مظبوطه "
- ربنا يخليكوا بس مكنش فيه داعي يعني ده مجرد كدمات و غرز الحمد لله
نادر: عرفنا انك عملت حدثه حصل اية ؟
آسر: عرفت منين
" ليلي دخلت و حطت قدامهم عصير وبعدين قعدت عادي آسر قعد يبص بقرف وهي كانت بتبصله بمعني مالك "
ندي: كويس انك بقيت بخير خد العلاج عشان ترجعلنا بسرعه بقي الكلية وحشة من غيرك
احمد و نادر كانو كتمين ضحكتهم و آسر عامل من بنها: اها ان شاء الله
ليلي بغيرة: انتي بقي دكتورة معاهم؟
- اها بس اصغر منهم بسنة اكيد باين ههههههههه
ليلي ابتسمت إبتسامه صفرا: باين اها امممم
" مشيوا من عند آسر بعد ربع ساعة مطولوش واول ما ليلي قفلت الباب راحت عند هدي و اسر "
- مين ندي دي وبتتكلم كده ليه ؟
اسر بغيره وعصبيه: ونادر كان بيكلمك ليه ؟ ومعرفتنيش ليه
= عشان مجاش فبالي و بعدين جه سأل عليك
- انتي مشوفتيش بيبصلك ازاي؟
= لا مشوفتش ابقي شوف انت ندي بتتكلم ازاي !
هدي: اهدوا يا ولاد الله
- قرف بت مقرفة و مسهوكه
ليلي قالت الجملة ومشيت و آسر ضحك بعصبيه: مجنونه
= انت بتحبها و هي بتحبك معرفش مستنين اية.
آسر اتفاجئ: اية قولتي اية
- فاكرني معرفش ؟ ليه عبيطه؟ ده من اول مره حت هنا وانت قولتلي خدي يا ماما اديها بطانيتي عرفت
= انا كنت طفل !
- طفل اها وبتحبها برضو..
اسر بشر: يبقي لازم اتصرف.
******************************
استغفر الله. 🩷
" فات شهر و التاني و آسر اتحسن قطع علاقته بندي و عرفها حدودها و رسم اكتر خطه شريرة فالعالم و هي انه معاد ل ليلي فمكان معين و خطفها "
- انت يعني فاكر لما تخطفني هوافق عليك يبتاع ندي و حابسني ليه ياض ها خرجني يلا
= ششششش بطلي زعيق الاوضة عندك فيها كيس اسود افتحيه واللبسي
- افتح اية واللبس مين انت عبيط
= انجزي
ليلي فتحت لقت فستان: انت اتجننت رسمي بقي
-هتتجوزيني بما يرضى الله ولا اعمل فعل فاضح بما لا يرضي الله
= روح اجوز ندى
- اتجوزيني و هجبلك قطة..
= احلف
- والله
= موافقه
" ليلي لبست الفستان و كانت بتفكر اصلا تضحك عليه وعملت حوار "
- لبست افتحلي بقي
= آسر فتح و انبهر بشكلها
- انت مجنون بجد
= و انتي زي القمر
- ممكن تجبلي مياة هموت و اشرب
= عيوني
ليلي سابته يروح و مشيت بسرعه عشان تخرج بره تلاقي معازيم كتير قاعده و بتبص حوليها بتستوعب انوه خطفها ف فيلا بيتعمل فيها افراح لفت بسرعه لقته وراها
- اية رأيك عجبتك!
= انت حقيقي مخك لسع! انا هتدبس فيك بجد
- بتموتي فيا اصلا
= طب والميكب
- معايا زبدة كاكاو تخدي ؟
= حد يلحقني صوتوا يجماعه
- المأذون جه!!!
جت تجري آسر قفشها: لا نثبت كدا عيب
= طلقني
- لما اتجوزك بس اصببري
= اقصد سبني انا مش بحبك مش عايزاك
- مش مهم انا عايزك
= يالهوي علينا وعلي سنيني السودااا
- سوداا مين انا هوريكي اللون البامبي والربيع
= اها ماهو باين
- انا مش هوافق لو حصل اية
= حتي لو قولتلك ان كمان ربع ساعه اونكل محمد هيكون هنا عشان يحضر فرح بنته و اجمل بنت فحياتي؟
ليلي بصدمه: بابا !!! بتتكلم جد
- بتكلم جد
ليلي بدموع: انا بحبك اوي يا آسر!!!! بجد بحبك يلا نتجوز حالا حالااااااا
آسر بصريخ: وافقت ياعم الشيخ يلا قبل ما تغير رأيها..
*********************************
واخيرا تمت♥️.
متنسوش رأيكم.🥹🥹🥹🥹♥️
#حب_مُعقد الاخير..
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا