رواية مر الاختيار الفصل السابع 7
صحيت ع تليفون
_الو..
_الحق يا استااذ الحق
_ف ايي يبني
_الحاج رزق جة ومبهدل الدنيا عليك وخارب المنطقة كلها
_انتَ فين دلوقتي
_ف القهوة هو جي ومشي تاني
_طيب اقفل انا جايلك .
طلعت امي من المطبخ بسرعة وقالت
_مالك يبني قومت مخضوض كدا لي ف اييي
_مفيش حاجة ي امي
_مراتك كويسة
قولت وانا ببوس ع راسها
_ادعيلها انا هنزل دلوقتي وهرجعلك بعدين
نزلت بسرعة علشان اشوف الكارثة دي والحقة قبل ما يبهدل الدنيا..
_فوقت وحاسة اني تعبانة اكتر..جة الدكتور وقتها
_حمدالله ع السلامه يمدام حضرتك قلقتينا عليكي جداً
قولت بتعب
_الله يسلمك يدكتور..انا تعبانة اوي هو اي ال حصل
اتنهد وقال
_ال حصل ان اتعرضتي لعصبية وانتِ جسمك الفترة دي ضعيف جدا ومش مستحمل اي حاجة..وخصوصا علشان الحمل لازم تاخدي بالك من نفسك بعد كدا يمدام ليل وكمان انتِ مش عايشة لوحدك ف طفل ف بطنك محتاجك..كنت فهمت من جوز حضرتك انك متعرفيش انك حامل وطبعاً انتِ لو كنتي تعرفي مكنتش هتأذي نفسك ولااي
قولت والدموع ف عيني
_هو كويس!
ضحك وقال
_متتخضيش هو تمام واه صحيح انتِ كدا داخلة ع بداية التاني لازم تريحي نفسك اكتر من كدا ومتزعليش نفسك ومتعرضيهاش لااي ضغط..ابنك ملهوش ذنب ف كل دا..هسيبك ترتاحي.
خرج الدكتور وانا دموعي موقفتش..مش عارفة اخد قرار..هل هقعد مع الراجل ال خاني ومرمط كرامتي ف التراب..بس انا مش هينفع اربي الولد بعيد عن باباة..انا مش بكرهة..انا بحبة..وكنت بحب لما بيعمل حاجات علشان يلفت تظري ومن ساعة ما شوفتة وهو دخل ف قلبي وربع كمان..اول حد قدر يحتل قلبي بالطريقة دي..اول حد كنت ابان من برة متنشنة معاه وابين ان مضايقة من الكلام ال كان بيقولو وبيتغزل فيا وانا من جوايا ببقا طايرة من الفرحة..وانا معاه كان بيحسسني اني فراشة مش تقيلة عليه بالعكس. كان بيبقا نفسة اضحكلة مرة او اقولو بحبك بس مع ذلك قومت نفسي ووعدتها إن
مش هتقول لحد الكلمة دي غير ال هيبقا جوزها..وقلبي خاني وحبة اول ما شافة..انا مش عارفة هو ازاي اتبدل معايا كدا ومش عاارفة ازاي قدر يبقا جاحد عليا كدا..بس كل ال اعرفة ان قلبي وعقلي دلوقتي ف صراع..قلبي بيقولي متسبيش ال بتحبية وال بيحب بيسامح وعقلي بيقولي كرامتك..وال عملها مرة عادي جداً يعملها الف مرة..
وال انا متأكدة منة إنِ عاوزاة..انا من غيرة وحيدة..انا بحبة..بحبة وبس
قطع شرودي صوت خبط ع الباب
قولت بتعب وانا بمسح دموعي
_ادخل..نهي!
_ارجوكي متتعصبيش العصبية غلط عليكي وع ال بطنك انا مش طالبة منك غير خمس دقايق بس اسمعيني فيهم
حاولت اقوم مقتدرتش وحسيت الدنيا لفت بيا وقولت اه..
جريت عليا وقالت
_انا اسفةة مش قصدي اتعبك صدقيني انااا مش جاية اخطف منك جوزك زي ما انتِ متخيلة والله
حولت افوق وقولتها بسرعة
_ودا يتسمي اي..انتِ مش ملاحظة ان بسببك كنت هروح فيها..
قالت بدموع
_صدقيني انا مليش ذنب ودا كله فيلم اصلا محروس هو ال عاملة عليكي..
_نعم!!
شاهد👈الفصل الثامن
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا