رواية انا مش خائنة الفصل الرابع 4
وكان مازن مشغول باتصال ومش واخد باله انها بتقود وهى مركزه فى التليفون وفجأه سياره اخرى قطعت الطريق بتلف من تقاطع دخلت صفاء فيها
اتجمعت الناس حوالين السيارتين وفاقت صفاء من هول الصدمه لتنظر بجانبها لتجدهم بيخرجوا مازن من السياره وهو غايب عن الوعي وراسه مملوء بالدماء
صفاء فى ايه مالك يامازن رد عليا وفكت حزام الامان وفتحت باب السياره وجت تنزل صرخت من قدمها اللى اتصابت من الحادثه
فضلت تنده عليه وطبعا مافيش اى رد منه
واحد قال ليها ماتقلقيش هو فيه نفس بس إصابته واضح انها شديده شويه والاسعاف زمانها فى الطريق
وفعلا الإسعاف جت واخدتهم
ووصلوا المستشفى ودخلوا مازن بعد ما الدكتور كشف عليه لغرفة العمليات واخدوا صفاء للكشف وعمل فحوصات للاطمئنان عليها
وتم تجبيس احد قدميها واصابتها الاخرى متفرقه ولكن بسيطه وغير خطيره
وطلبت من الممرضه تسأل عن حالة مازن زوجها فقالت لها انا بسال ليكى عليه من ساعة ما طلبتي مني اول ما دخلتى الكشف ولسه ساله تانى من شويه لسه ماخرجش من العمليات ادعى له
فضلت تبكي انا السبب لو مات مش هسامح نفسي كل ده من بصيتى فى الموبيل وافتكرت رغم اللى هي فيه هو فين الموبيل صحيح
الممرضه مش عارفه يا استاذه حضرتك ما كنش معاكى موبيل
صفاء يبقى اكيد فى السياره
الممرضه بينها وبين نفسها موبيل ايه اللى بتسألى عليه انتى فى ابه ولا فى ايه ايه الستات دى عامله حادثه وجوزها بيموت جوه بسبب الموبيل وبتسال على الموبيل فين هو ده واقته
ورجعت ردت عليها لو كان مع حضرتك ممكن يكون فى الأمانات هسأل لحضرتك عليه
صفاء:طب ياريت تسالى دلوقتى عشان فيه رساله عاوزه اشوفها ضرورى
الممرصه؛حاضر حاضر
ومشيت وهى بتكلم نفسها والله حاجه تجنن بجد
وراحت سالت فى الأمانات قالوا لا ماحدش جاب حاجه خاصه بيهم
ورجعت ليها الممرضه وقالت ليها للاسف مافيش اى حاجه خاصه بحضرتك او بجوز حضرتك
صفاء بتكلم نفسها طب وبعدين مالحقتش اشوف التقرير بيقول ايه
الممرضه لسه هتمشي
صفاء :طب ممكن ،استخدم موبيلك ثواني
الممرضه:اتفضلى حضرتك الموبيل اهو
صفاء فصلت تفتكر رقم التليفون الخاص بالمعمل لحد ما افتكرت واتصلت عليهم بس هما قالوا احنا اسفين لازم حضرتك تيجى تاخدي النتيجه بنفسك او نرسله لحضرتك على رقم التليفون المذكور لينا التسليم عليه فى الايصال
صفاء:للاسف فى ظروف هتمنعنا من الحضور للمعمل
والتليفون المذكور بالايصال ضاع وهياخد وقت لما اقدر ارجع الخط وانا محتاجه اعرف النتيجه طب ممكن تعرفنى النتيجه
المعمل:انا اسف يافندم دى بيانات عملاء ما اقدرش اطلعها غير لصاحبها بس بعد اذنك يافندم عشان معايا شغل وقفل الخط وهي هتتجنن تعرف النتيجه
شويه ودخلت الممرضه عليها وقالت ليها جوز حضرتك محتاج نقل دم والفصيله اللى محتاجها مش متوفره فى بنك الدم بالمستشفى فالدكتور طلب منى اخد عينه من حضرتك عشان نشوفها تنفع له ولا لأ
صفاء:عينه مني انا لأ مينفعش
الممرضه ليه يا فندم الدكتور هو اللى يقول ينفع أو لأ
فقالت للممرضه ممكن تقربي
الممرضه قربت ليها وقالت نعم حضرتك
صفاء:اصل انا عندى الايدز
الممرضه رجعت للخلف وقالت بصوت عالى ايدز
صفاء وطي صوتك شويه ايوه ايدز في ايه
الممرضه :مافيش وسابتها ومشيت
رجعت الممرضه للدكتور وقالت له مش هينفع ناخد عينه من زوجته وقربت منه وقالت أصلها مصابه بالايدز
الدكتور ايدز ايدز ايه انتى بتهرجي
الممرضه لا والله يادكتور هى اللى قالت كده
الدكتور:ايدز ايه يابنتى انا لسه كاشف عليها وعامل ليها فحوصات ومافيش اى مؤشر من الكشف والفحوصات تشير إلى انها مصابه بالمرض ده روحي هاتى منها عينه وبلاش تهريج حالة الراجل ماتستحملش التأخير وبعتى تسألى فى فروع المستشفى زي ماقولتلك
الممرضه :ايوه بعت بس لسه ماجاش لي اي رد
الدكتور:طب يالا بسرعه
رجعت الممرضه لصفاء وقالت الدكتور صمم انه ياخد عينه من دم حضرتك وقال لى ان الكشف والفحوصات اللى عملها لحضرتك عشان يطمئن عليكى من الحادث مافيش فيها اللى يشير ان حضرتك مصابه بالمرض ده
صفاء:ويعنى انا بكدب مثلا دا انا عامله تحاليل مرتين ودكتورين شافوهم وقالوا انى مصابه بالمرض ده
الممرضه:يافندم ماتقلقيش احنا كده كده مش هننقل الدم الا التأكد من سلامة العينه ومناسبتها له
صفاء:خلاص ماعنديش مانع بس انتوا كده بتضيعوا واقت ياريت تشوفوا طريقه تانيه برضو توفروا بيها الدم المناسب ليه
اخدت الممرضه العينه منها وبعتتها للمعمل
رجعت الممرضه بعدها بفتره وقالت ليها وهى بتنظر ليها نظره مش مفهومه
صفاء:ها صدقتينى قولتلك انتوا بتضيعوا وقت على الفاضي
الممرضه.
شاهد 👈الفصل الخامس
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا