اسكريبت حور واحمد الفصل الثالث 3 الاخير
نعم يعني ايه هتسافر
ايه الي يعني ايه عادي مسافر
طب وانا
روحي اقعدي عند مامتك لحد مارجع
انت من امتى بتقولي كدة دايما كنت بتاخدني معاك
هو كدة المرادي هروح لوحدي
طب احمد ممكن نقعد نتكلم شوية قبل ماتسافر واعتبر دا اخر طلب ليا وبعدها اعمل الي انت عايزه
تمم قولي عايزة ايه
خدته من ايده وقعدنا وانا مصممة المرادي افهمه كل حاجة
انت مسألتش نفسك انا ليه عملت كدة ليه لجأت لطنط وابنها بدل ماجي اتكلم معاك
انتي بردو هتفتحي السيرة دي قولت خلاص خلصنا منها ياحور
لا مخلصناش ولو سمحت اسمعني ومتقاطعنيش ابدا انا من اول ماتجوزنا وانا شفت فيك السند بعد بابا الله يرحمه وكنت بتحاول فعلا على اد ماتقدر تعاملني بكل احترام وحب بس دايما كانت الغيرة الزيادة الي عندك خانقة حياتنا انا معاك ان الغيرة دي عشان بتحبني بس لما تزيد بتحول حياتنا لشك دائم انت بتغير حتى من ابن خالتي الي انت عارف انه اصلا عيل اصغر مني ليه كل دا وصلت فيك عشان بس مرة شوفت واحد سألني على حاجة ف الجامعة عايز تقعدني منها مع اني يومها قدامك قولتله اسفة معرفش اسأل حد تاني ولا قدامك ليه منا مكنتش اعرف انك جاي ورايا من غير علمي وانا لحد جامعتي الي عافرت لحد ماوصلها مقدرش اسكت اكتر انت كدة بتخنق حياتنا غيرتك بتتحول لشك فيا وف تصرفاتي كلها ليه كل دا عشان ايه وانت عارف اني بحبك واي حاجة كنت بتقولي عليها بلاش بحترم كلامك ف غيابك ووجودك ومش بعملها بس شكلي كنت غلطانة انا فعلا روحت لطنط وخليتها تعمل كدة عشان بعدها افهمك ان مش اي موقف بتشوفني بيه يبقى لازم غلط استنى تسمع وتفهم زي موقف الولد حتى مكملتش جملتي معاه لقيتك ساحبني وبتقولي مفيش جامعة تاني طب وانا فين اختياراتي يااحمد خنقتني وخنقت حياتي انا قولت كل الي عندي شوف انت بقى عايز تعمل ايه
انا مكنتش اعرف انك شايلة كل دا ف قلبك من ناحيتي حبي ليكي عماني خلاني معرفش افرق بعمل ايه انا حقيقي اسف غيرتي زادت وبقت شك امتى معرفش انا كل الي بفكر فيه اني بخاف تسيبيني زي مااهلي سابوني زمان بخاف اتساب ياحور
لان احمد اصلا اهله وهو صغير سابوه عشان انفصلوا وكل واحد اتجوز وسابوه لجده يربيه
احمد انت عارف اني بحبك وعمري ماسيبك بس الشك بتاعك دا خلاني مقدرش استحمل
انا اسف والله هتغير وهحاول اقلل غيرتي ومش همنعك عن الجامعة تاني
بجد يعني خلاص اخييييرا يااخي سمعتني عقابا ليك على كل دا بقى هخاصمك اسبوع كامل
لا لا بصي اعملي اي عقاب الا دا انتي عارفة اني مقدرش على سكوتك ابدا طب ايه رأيك اخرجك دلوقتي مقابل انك تنسي العقاب دا
امم افكر
هعزمك على المطعم الي بتحبيه
ولاني اساسا طفسة وبطني سبقاني رفضت طبعا
مش حكاية اكل خالص ها البس ايه
هههه يعجبني ثباتك البسي على ماظبط الحجز
روحت فوريرة البس وخرجتله لحسن يرجع ف رأيه
خرجنا واتعشينا وطول القعدة كان عمال يعتذرلي وانا اساسا كنت مصالحاه من قبل مايتكلم
روحنا وعدا كام اسبوع احمد كات فيهم عمال يحاول يغير من نفسه عشاني ويعملي كل الي يريحني ووافق اني اروح جامعتي براحتي الي هي اساسا بروحها مرة كل اسبوع لاني اكسل من فرهدتها ياجدعان ومرة كنت فيها
انسة حور لو سمحتي دقيقه
افندم مين حضرتك
انا زميلك ف السكشن وكنت عرفت انك بتكتبي ورا الدكتور ومحتاج اصور الكشكول منك لان صدقيني ملقتش حد معاه
ومن حظي الطيف لقيت احمد جاي عليا وتقريبا سمعه وكل الي جه ف بالي تصرفه اخر مرة لما ولد وقفني وان تعبي في اني اغيره كل دا راح على الفاضي
مالك ياحور واقفة كدة ليه
انا بس كنت
لقيت الي وقفني دا هو الي رد
انا بس كنت عايز كشكول المحاضرة من انسة حور لو تسمح
اه طبعا ادهوله ياحور ياحبيبتي بس متنساش ترجعه لمدام حور
ايه دا اسف مكنتش اعرف عيني طبعا بكرة بالكتير يكون عندك او لو عندكم وقت دلوقتي هصوره بسرعة وارجعه
اه تمام مستنينك
وسابنا وراح يصوره وانا لفيت لاحمد
انت مش هتزعق
وهزعق ليه الراجل معملش حاجة بس كنت افضل انه ياخده من زميل ليه مش منك
والله السكشن دا اصلا مبيحضروش كتير وانا الوحيدة الي بكتب فيه عشان كدة
خلاص مالك في ايه ياحبيبتي محصلش حاجة
وقفنا شوية ورجع اداني الكشكول ومشي واحنا روحنا واول مادخلنا مقدرتش مسألش
ازاي عملت كدة انا اول حاجة جت ف بالي انك هتاخدني زي المرة الي فاتت
لاياحور انا استنيت افهم الاول عشان مظلمكيش زي كل مرة
عرفت يومها ان احمد خلاص اتغير ومن وقتها وهو بيحاول على اد مايقدر يتحكم ف غيرته وعصبيته عشاني وان غلطتي الهبلة نفعت معاه وحياتنا بقت اهدى ومليانة تفاهم اكتر
لاني بحبه حاولت اغيره ولانه بيحبني اتغير عشاني
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا