رواية القطة الفصل الثالث 3
الجزء الثالث
صحيت من النوم ببص حواليا بعد ما اغم عليا وانا مش فاهم ايه اللي حصل هو انا كنت بحلم ولا ايه ببص اشوف القطه فين ملقتش حاجه قولت اكيد انا كنت بحلم لاني كنت نايم علي السرير ومتغطي ومفيش اي حاجه تدل أن حاجه حصلت طبعا زعلت أن الفجر فاتني ومصلتوش وقمت استحميت علشان كنت مدروخ وليست لبسى
وخرجت علي الشغل طول السكه مش مركز وعمال اضرب خمسات في تمنيات مش فاهم في ايه هو ايه اللي حصل امبارح واول ما دخلت لقيت لمياء قدامي وجايه بتقولي ايه التاخير ده كله يا عم شهاب كده مش هينفع انا اختارتك انت علشان اشطر واحد وفي الاخر تيجي متأخر انا كده هعملك خصم وهي بتضحك وانا مستغرب هو انا كنت بحلم ولا ايه قررت انسي اللي شوفته وقولت لله الامر من قبل ومن بعد المهم عديت اليوم ووقت الرست بدأت اتغدى لاني مكنتش فطرت طبعا بعد اللخبطه دى كلها ولقيت لمياء جيالي
بتقولي هتغديني ايه انهارده قولتلها اامرى بس يعني أن كان حبيبك عسل متلحسوش كله ولا ايه لقيتها رجعت لورا شويه وقالت لي ايه يا عم انت بخيل ولا ايه قولتلها لا يا ستي انا بهزر اامرى قالتلي بص انت غداك انهارده عندى قولتلها والله طيب هتجيبي منين دا انتي لسه اول يوم شغل امبارح يعني مفلسه زى حلاتي قالتلي متقلقش جيب السبع عمر ما يخلي وقالت لي ثواني وراحت سيباني وقايمه ومين اللي متابع ده كله طبعا استاذ سيد اللي عامل زي الشوكه واول ما قامت راح وراها ولقيته نده عليها طبعا أنا متابع من بعيد وشايفهم بيتكلموا بس مش عارف بيقولوا ايه وده الحوار اللي دار ما بينهم
سيد نده عليها وبيقولها يا انسه لمياء بقولك قالته نعم عاوز ايه قالها بالراحه عليا شويه انتي زعلانه ليه قالتلوا مش زعلانه بس مبحبش الناس اللي مش نضيفه قالها انا بستحمي كل يوم علي فكره قالتلوا مش النضافه دى يا سيد نظافة القلوب اللي للاسف انت مش ممتلكها قالها وانا عملتلك ايه علشان تقول كده ده احنا لسه اول مره نتقابل قالتلوا لا ما كل حاجه باينه من بدرى ده انت حتي ايدك لسه مخفتش من خربشة امبارح قالها خربشة ايه وراح مدارى ايديه ردت عليه وقالتلوا انت امبارح كنت ناوى تاذى شهاب بس ربنا مأردلكش بده علشان هو طيب ومالوش في الكلام الفاضي بتاعك وبقولك مالكش دعوه بيه تاني ودخلت جوا الاوضه اللي فيها اللبس وسيد سابها ومشي وهو باصص في الارض كأنه خد خمسين جذمه علي دماغه.
بعدها كنت قاعد مستنيها تيجي وبفكر بقول هو مال سيد ومال لمياء ورجعت ومعاها كيس كبير في اكل اول ما شوفته اتخضيت بس حبيت اسالها الاول لمياء هو سيد كان عاوز ايه منك ده لو مش هضيقك بسؤالي قالتلي لا ابدا ده كان بيقولي انتي قاعده مع شهاب ليه قولتلوا اني بحب اقعد معاك بحكم الشغل وكده وراح سابني ومشي وطبعا انا مقتنعتش بالإجابة دى خالص بس قولت مش مهم اللي حصل حصل وبدأت تخرج في الاكل لقيتها جايبه فراخ مشويه وكمان وحمام وحاجات كتير اوى وكمان حلو انا كنت مستغرب جابت ده كله منين هيا مخرجتش اصلا بره الهايبر ولسه هسالها قالتلي كل هو اكل وبحلقه متسالش جبته منين وامتي الديليفرى جابه من شويا مقتنعتش بس قولت مضغطش عليها وهيا كانت مبسوطه اني مسالتش وكلنا احنا الاتنين بالعكس ده انا عزمت علي طقم الكاشير كله وجه اكل معانا بعد مستاذنتها طبعا ووافقت وكانت وليمه والاكل ما كنش بيخلص لدرجة أن الناس اخدت اكل معاها البيت حمدت ربنا وقعد افكر هيا لمياء دى محدوفه عليه منين واللي انا شوفته امبارح بالليل ده كان حلم ولا علم محبتش افكر كتير وقولت ايه بقي اليوم انهارده كان كله اكل أجرى شويه علشان ايه اهضم بعد الشغل وقد كان وانا بجرى عندنا في المنطقه اللي انا ساكن فيها طريق طويل كده زى لفة تراك الجرى بيلف حوالينا
المنطقه كلها كنت بجرى وبرمي السلام علي اللي اعرفه ومعرفوش لحد ما قربت في مكان كده جنب المقابر علي الطريق و شوفت خيال حد انا اعرفه أو بشبه عليه هو مش هو طيب ايه اللي جابه هنا روحت داخل علي غير العاده وراه ولقيته معاه شنطه وبيدفنها جنب مقبره قربت شويه اشوف مين كان القمر بدر في اليوم ده وكانت الرؤيه واضحه جدا ببص لقيته سيد طيب ايه اللي جابه هنا بيعمل ايه ده فضلت اني موجهوش وقولت استني لما يمشي وأشوف هو دفن ايه وفعلا عملت كده ببص جنب القبر لقيت كيس ملفوف جوا كيس وقماش مكتوب عليه كلام غريب وجو القماش صورتي اندهشت وصعقت وقولت ليه بس كده يا سيد انا عملتلك ايه وروحت اخدت الحاجه ورجعت البيت وانا مهموم ومضايق فتحت الباب واول ما دخلت لقيت القطه البيضه علي قد ما انا زعلان علي قد ما انا فرحت بالقطه لاني اتعودت علي وجودها وبقيت احس بالامان وهيا معايا قعدت علي السفره في الصاله وبدأت اخرج اللي في الكيس والقطه قاعده قدامي وبتبص
باستغراب زيي تمام بقولها ايه مستغربه معلش الأذى في كل مكان راحت ردت عليا واتكلمت وقالتلي بس انت متستاهلش كل ده روحت راجع لوره لدرجة اني وقعت علي ضهرى بالكرسي ولقيتها نزلت وبدأت تتحول وهيا بتتكلم واقولي ابوس رجلك بلاش يغمي عليك زى امبارح قولتلها يعني انا مكنتش بحلم امبارح قالتلي لا ومتخافش انا مش هاذيك انا لمياء صاحبتك وفعلا اتحولت لمياء وكانت لابسه لبس جميل اوى مش هعرف اوصفه مش شدة جماله وتنحتلها راحت ندهت عليا وانا سرحان في جمالها وقالتلي انت يا عم المتنح خليك معايا هنا رديت عليها بكل عفوية ما انا معاكي قالتلي يا ابني ركز في المصيبه اللي انت فيها انا لو مش معاك كان زمان العمل ده قسمك نصين قوم فز علشان ابطله معاك وفعلا فوقت من الصدمه وعدلت الكرسي وروحت فضلت افك فيه قالتلي استني مش كده قوم هات اى حاجه وحط فيها ميه ودوب فيها ملح بسرعه وفعلا عملت كده وبعد كده قالتلي نزل الكلام ده كله في المايه بملح وفكه واحده واحده وانت بتقرا المعوذتين وسيب الباقي عليا وفعلا بدأت اعمل كده لحد ما بدأت الشقه تتهز جامد والنور ينور ويطفي
وظهر خيال علي الحيطه وبدأت لمياء تتكلم معاه بس بلغه مش مفهومه وفجاه بأن عليه أنه بيتخنق لحد ما اختفي وكل حاجه رجعت طبيعيه تاني انا قاعد مصدوم من اللي بيحصل ومش قادر اتكلم لمياء قطعت الصمت كلمة بس يا سيدى خلصنا قوم نام يالا
روحت مزعق فيها قولتلها انتي ايه هو في ايه فهموني وليه سيد عاوز ياذيني انا عملتله ايه لده كله ردت وقال أنا عمل خير انت مكسلتش تعمله انا رزق ربنا بعته لك يا اما تراعيني وتخلي بالك مني يا اما في يوم من الايام هتدور عليا وتكون محتاجني مش
هتلاقيني انا مش فاهم حاجه طيب انتي ايه فهميني قالتلي انا قطه انت عطفت عليها واكلتها انت فتحت ليها بيتك ودخلتها وانا لمياء صاحبتك وزميلتك في الشغل واللي بعمله معاك رد للجميل واتمني تكون قد المسؤوليه لأن ربنا سبحانه وتعالي لما بيبعت قوه كبيره لحد بيبعت معاها مسؤوليه اكبر وفجاه الباب خبط جامد .....
مشاهده 👈 الفصل الرابع
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا