رواية مر الاختيار الفصل الحادي عشر 11
_تعالي ي ليل تعالي يبنتي
طلعت من الاوضة بهدوء وقعدت ع الكنبة...
شكت شوية وقال..
_وبعدين يبنتي هتعملي اي بقا انا مردتش اقولة انك هنا بس انا مش هينفع ابعدك عنه..قوليلي بس مالك وكنتِ ف المستشفى لي
ردت ماما وقالت
_يبنتي اتكلمي بقااا نشفتي ريقنا
_ انا حامل
قال بفرحة
_بجد يحبيبتي..الف مبروكك فرحتيني ي ليل لي مقولتليش من بدري
قالت ماما
_الف مبروك يبنتي
_طيب ما دا خبر كويس وخصوصا ان جوزك متلهف ع موضوع الخلفة دا مالك بس ف ايي
قالت ماما بسرعة
_يبقا شكلك عاوزة تعمليهالة مفاجأة مش كدا؟
قولت بلهفه
_اة صح..اعملهالة مفاجأة انا لازم امشي بسرعةةة
_يييي رايحة فين يبنتي
_سبيها ي ريهام رايحة تشوف هتعمل اي ف المفاجأة
قولت وانا باخد حاجتي
_بالظبط كدا ي بابا سلام
نزلت بسرعة قبل ما يسألوني اي اسئلة انا مش قادرة اتكلم وهما هيضغطو عليا بكلامهم بس انا عاوزة ابعد واشوف انا عااوزة اي بعيد عن ضغط حد نهائي..عاوزة اشول انا اي ف دماغي..لان القرار ال هاخدة لازم استحمل نتايجة طول عمري وانا ال هدفع تمن اي غلطة..
فضلت ماشية ف الشوارع شوية لحد ما وصلت للبحر بحب منظرة ف الليل وصوت الموج العالي.
بيقولو انه غدار بس معتقدش ان فى حاجة غدارة أكتر من البشر ودا ال اكتشفتة مؤخراً بس المهم اني اكتشفتة..
حطيت ايدي ع بطني ال بداءت تبرز نسبياً وقولت
_انتَ الحاجة الوحيدة ال انا خايفة عليها دلوقتي ، خايفة عليها من كل حاجة من الزمن ومن ابوك..حتي منى بس اوعدك مش هتلاقي حد يحبك قدى..انا بعمل وهعمل كل حاجة كويسة علشان حتي لو كان دا ع حساب نفسي ونفسيتي..هحاول ع قد ما اقدر اكون لك ام مثالية..واتمني يكون اب ع الاقل كويس..وصدقني لو ملقتش دا فى هاخدك ونمشي لان مش ذنبك انى اجيبك للدنيا وتعيش ايام مش كويسة ولا حيااة مش على ما يرام..هخليك أحسن حد ف الدنيا وهتبقا أجمل واحد ف كل حاجة انا بوعدك بداً
حاوطت ايدي ببطني وبصيت للبحر وانا دموعي ف عيني بس ل أول مرة متكونش دموع حُزن تؤتؤ دى دموع فرحة لأن حسيت ان اخيراً هتبقا ف حاجة بتاعتي هتخرج من بطني وتبقا ملكي..
سرحت وافتكرت أجمل يوم كان ف حياتي
_اطلعي بقاا انا هموت واشوفك
قولت وانا ف البروفا
_بص هو ماما قالتلي ان مينفعش العريس يشوف العروسة بففستان الفرح قبل الفرح
_اى دا لى
_بيقولو كدا والله اعلم انة فال وحش
_يادي النيلة السودة هو مفيش فال وحش او حاجة اوحش من اني اتهبلت وحبيتك
_ولاااا
_اى
_لف كدا
لفيت وكانت خرجت من البروفا..كانت لابسة الفستان شبهة المليكات بالظبط ويمكن أحلي شويتين كنت واقف مبلم وعيني بتلمع من جمالها
قالت بسرعة وهي بتحرك ايديها ع وشي
_اى فينك
_انا مش مصدق
_اى وحش
_يبنتي بقا اعقلي وحش ازاي وانا بقولك مش مصدق
_اي دا انتَ بتزعقلي طيب طلقني
_يااصبر ايوب يبنتي اطلقك اي ال مسكالي فيها من واحنا ف الشارع ديي بت اعقلي احنا لسا مكتبناش الكتاب .
سكتت شوية وقالت
_تصدق صح ..ما علينا اى رأيك
_راي اي بس ف الجمال والحلاوة والطعامة دي كلها
قولت بضحك
_ولد عيب.. انتَ بتعاكس بقا؟
_أنا أبداً أبداً بس مسيرك وهتبقالي والله عاارفة والله ما هسيبك
ضحكت بخفة وانا بجري ادخل البروفا تاني
_إن عشنا وكنا من اهل الدنيا..
_مااشي مسيرك يملوخية تيجي تحت المخرطة الحمدلله اننا خلصنا ف ام اليوم المتعب دا
_بتقول حاجةةة
_بقول لا إله إلا الله
قولت بضحك
_محمد رسول الله
بعد شوية وقت حسيت حد بيطبطب ع كتفي براحة
لفيت اشوف مين....
شاهد👈الفصل الثاني عشر
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا